Cynlluniau sgorio hylendid bwyd 'lleol' yn y DU

Mae’r cynlluniau ‘lleol’ yn amrywio – o ran eu cwmpas (mathau o fusnesau sy’n rhan ohonynt), y system sgorio a ddefnyddir (nifer yr haenau a’r symbolau a’r disgrifiadau cysylltiedig e.e. dull tair a phum seren, wynebau hapus a systemau goleuadau traffig) a pholisi o ran ailarolygiadau ac ailymweliadau at ddibenion ailsgorio. At hynny, mae rhai cynlluniau ‘lleol’ yn darparu sticeri a thystysgrifau i’w harddangos ar sail wirfoddol gan fusnesau ar eu safleoedd, ond mae llawer o’r cynlluniau ‘lleol’ yn adnoddau ar-lein yn unig. Mae’r rhan helaeth o gynlluniau ‘lleol’ yn seiliedig ar system sgorio chwe haen (pum seren, a gradd ‘methu’) er nad yw’r rhain yr un peth bob tro.

I gael rhagor o wybodaeth am wahanol gynlluniau ‘lleol’ ledled y DU, cliciwch ar y map isod. Gan fod pob awdurdod lleol yng Nghymru wedi dewis mabwysiadu’r cynllun cenedlaethol, nid oes cynlluniau ‘lleol’ o’r fath ar waith yng Nghymru.