Diweddariad ar 'Smokies’

Caifff smokies eu bwyta gan rai cymunedau ethnig lleiafrifol yn y DU. Fodd bynnag, ni chaniateir eu cynhyrchu'n gyfreithlon yn y DU gan fod deddfwriaeth hylendid yn mynnu bod y croen yn cael ei dynnu oddi ar yr holl rannau o gorff y ddafad y bwriedir iddynt gael eu bwyta gan bobl, ac eithrio'r pen a'r traed.

Ym mis Mai 2010, ysgrifennodd yr ASB at y Comisiwn Ewropeaidd yn gofyn i gael newid cyfraith yr Undeb Ewropeaidd (UE) a fyddai'n caniatáu i smokies gael eu cynhyrchu, ar ôl i ymchwiliadau'r Asiantaeth ddangos bod modd cynhyrchu smokies mewn ffordd hylan. Gofynnodd y Comisiwn i EFSA am ei farn wyddonol am astudiaethau'r ASB.

Cydnabu safbwynt EFSA, a gyhoeddwyd ar 15 Mehefin 2011, fod yr astudiaethau a ariannwyd gan yr ASB wedi disgrifio dull hylan o gynhyrchu smokies. Fodd bynnag, canfu EFSA nad oedd yr astudiaethau yn ddigonol i gefnogi'r casgliad bod y smokies a gynhyrchwyd yn ystod yr ymchwiliadau yn addas i'w bwyta gan bobl.

Derbyniodd y Comisiwn farn EFSA, gan ddatgan nad oedd canfyddiadau'r ASB yn rhoi sail ar gyfer diwygio'r ddeddfwriaeth. Nododd y Comisiwn, fodd bynnag, y byddai'n hapus i drafod y mater hwn ymhellach.

Mae'r Asiantaeth bellach wedi ysgrifennu at EFSA yn ceisio eglurhad o'i ddehongliad o'r data, gyda'r nod o lywio unrhyw waith a fyddai'n cael ei wneud ar y maes hwn yn y dyfodol a llywio trafodaethau'r Asiantaeth gyda'r diwydiant o ran y camau nesaf ar gyfer y prosiect hwn. Y bwriad yw nodi pa ddata ychwanegol fyddai ei angen er mwyn cael cynnal asesiad digonol o'r broses.
Gellir gweld copi llawn o'r llythyr at EFSA drwy'r ddolen hon.****** Mae'r Asiantaeth yn deall bod y cais hwn am eglurhad yn cael ei ystyried gan ddau o Baneli Gwyddonol EFSA, a disgwylir i ymateb ddod i law ym mis Hydref 2012.