Ymgynghoriad
Canllawiau ar y gallu i olrhain, tynnu a galw bwyd yn ôl o fewn diwydiant bwyd y Deyrnas Unedig (DU)
Rydym ni'n croesawu barn rhanddeiliaid ar ein canllawiau newydd, sy'n nodi rolau a chyfrifoldebau'r prif bartïon sy'n rhan o'r system tynnu a galw bwyd yn ôl yn y DU.
Crynodeb o ymatebion
Ynglŷn â'r ymgynghoriad hwn
Bydd yr ymgynghoriad hwn o ddiddordeb i:
- fusnesau bwyd
- awdurdodau gorfodi bwyd
- sefydliadau masnach
- sefydliadau defnyddwyr
Pwnc ymgynghori
Pwnc yr ymgynghoriad hwn yw canllawiau sy'n cynorthwyo busnesau bwyd i gydymffurfio â chyfraith bwyd ac sy'n rhoi cyngor ac adnoddau ategol i helpu busnesau bwyd ac awdurdodau gorfodi bwyd i ddelio ag achosion o dynnu a galw bwyd yn ôl er diogelwch. Mae'r canllawiau yn amlinellu'r gofynion cyfreithiol ac yn cynnwys cyngor ar arfer gorau.
Diben yr ymgynghoriad
Yn 2017, cynhaliwyd gwaith ymchwil i ddeall y systemau tynnu a galw bwyd yn ôl yn y DU. Roedd hyn yn cynnwys rhai argymhellion ar gyfer gwella. Mae'r Asiantaeth Safonau Bwyd (ASB) a Safonau Bwyd yr Alban, mewn partneriaeth â rhanddeiliaid allweddol o'r diwydiant bwyd, awdurdodau gorfodi bwyd, sefydliadau defnyddwyr a chyrff masnach yn mynd i'r afael â'r argymhellion hyn. Mae hyn yn cynnwys datblygu canllawiau i gryfhau a gwella effeithiolrwydd a gwydnwch cyffredinol system tynnu a galw bwyd yn ôl y DU.
Nid oes unrhyw newidiadau wedi bod i'r polisi, yr wyddoniaeth na'r gyfraith.
Nod y canllawiau newydd yw:
- egluro rolau a chyfrifoldebau swyddogion allweddol sy'n rhan o'r system tynnu a galw bwyd yn ôl er diogelwch
- darparu canllawiau ar arfer gorau er mwyn helpu busnesau bwyd i wneud hysbysiadau galw bwyd yn ôl ar gyfer defnyddwyr yn fwy cyson a hygyrch
- helpu'r diwydiant i sicrhau bod cyfathrebu masnachol yn gyson ac yn effeithiol
- datblygu a gweithredu gweithdrefnau dadansoddi gwraidd y broblem ar gyfer y diwydiant os bydd digwyddiadau diogelwch bwyd
Mae'r canllawiau wedi'u datblygu gyda mewnbwn gan weithgorau â nifer o randdeiliaid gwahanol. Rydym ni wedi penderfynu bod ymgynghoriad 4 wythnos o hyd yn gymesur i geisio barn rhanddeiliaid ehangach.
Croesawn sylwadau gan randdeiliaid ar y canllawiau newydd hyn.
Pecyn ymgynghori
England, Northern Ireland and Wales
England, Northern Ireland and Wales
England, Northern Ireland and Wales
England, Northern Ireland and Wales
England, Northern Ireland and Wales
Sylwadau a barn
Dylech anfon eich ymatebion i'r ymgynghoriad hwn at Debbie.Sharpe@food.gov.uk erbyn 4 Chwefror 2019.
Cyhoeddi crynodeb o’r ymatebion
O fewn tri mis ar ôl i’r ymgynghoriad ddod i ben, byddwn yn anelu at gyhoeddi crynodeb o’r ymatebion a chynnwys dolen iddo ar y dudalen hon. Gallwch ddod o hyd i wybodaeth am sut yr ydym yn trin data a ddarperir mewn ymateb i ymgynghoriadau yn ein hysbysiad preifatrwydd am ymgynghoriadau.
Mwy o wybodaeth
Mae’r ymgynghoriad hwn wedi’i baratoi yn unol ag egwyddorion ymgynghori llywodraeth y DU.. Os oes Asesiad Effaith wedi’i lunio, bydd wedi’i gynnwys yn y dogfennau ymgynghori. Os na ddarparwyd Asesiad Effaith, nodir y rheswm dros hynny y ddogfen ymgynghori.