Gofyn am safbwyntiau ar Geisiadau Bwydydd Newydd

Last updated:
27 March 2017
Mae dau gwmni wedi gwneud cais i'r Asiantaeth Safonau Bwyd i gael eu cymeradwyo i roi eu cynhyrchion bwyd newydd ar y farchnad yn yr Undeb Ewropeaidd (UE) dan Reoliad Bwydydd Newydd (CE) 258/97. Gofynnir am safbwyntiau ar y ddau gais er mwyn llywio asesiad y cynhyrchion hyn. Y dyddiad cau ar gyfer derbyn sylwadau yw 16 Ebrill 2017.

Y ddau gais

Ynghylch bwydydd newydd

Bwyd neu gynhwysyn bwyd yw bwyd newydd nad oes ganddo hanes sylweddol o'i fwyta yn yr Undeb Ewropeaidd cyn 15 Mai 1997.

Cyn y gellir cyflwyno unrhyw gynnyrch bwyd newydd ar y farchnad Ewropeaidd, mae'n rhaid ei asesu'n fanwl er diogelwch. Yn y Deyrnas Unedig, caiff asesu bwydydd newydd ei gyflawni gan y Pwyllgor Cynghori ar Fwydydd a Phrosesau Newydd, pwyllgor annibynnol o wyddonwyr sydd wedi'u penodi gan yr ASB. Yn achos y goflen hon, daeth yr Asiantaeth i'r casgliad bod angen asesiad pellach gan Awdurdod Diogelwch Bwyd Ewrop.

Yngylch y Pwyllgor Cynghori ar Fwydydd a Phrosesau Newydd

Mae'r Pwyllgor Cynghori ar Fwydydd a Phrosesau Newydd yn gorff annibynnol anstatudol o arbenigwyr gwyddonol sy'n cynghori'r Asiantaeth Safonau Bwyd ar unrhyw fater mewn perthynas â bwydydd newydd (gan gynnwys bwydydd a addaswyd yn enetig) a phrosesau newydd (gan gynnwys arbelydru bwyd).

Dyddiad cau ar gyfer sylwadau

Mae'r Asiantaeth Safonau Bwyd yn croesawu sylwadau ar y ceisiadau. Dylid anfon unrhyw sylwadau drwy e-bost at Ysgrifenyddiaeth y Pwyllgor Cynghori ar Fwydydd a Phrosesau Newydd drwy acnfp@foodstandards.gsi.gov.uk erbyn 16 Ebrill 2017. Bydd y sylwadau a dderbynnir yn cael eu hanfon ymlaen at y Pwyllgor er mwyn llywio ei asesiad o'r cynhwysion bwydydd newydd hyn.