Y Cynlluniau Sgorio Hylendid Bwyd

Mae'r Cynllun Sgorio Hylendid Bwyd yng Nghymru, Lloegr a Gogledd Iwerddon yn helpu defnyddwyr i ddewis ble maent yn bwyta neu'n siopa am fwyd, drwy roi gwybodaeth iddynt am y safonau hylendid mewn bwytai, bwytai tecawê a siopau bwyd.

Mae adnoddau ar gael ar gyfer eich busnes er mwyn eich helpu i wneud y mwyaf o'ch sgôr hylendid bwyd.

Chwilio am sgoriau hylendid bwyd

Gallwch chwilio am wybodaeth am safonau hylendid mewn bwytai, siopau tecawê a siopau bwyd drwy food.gov.uk.

Ynglŷn â'r cynllun

Rydyn ni, mewn partneriaeth ag awdurdodau lleol, yn gweithredu'r Cynllun Sgorio Hylendid Bwyd yng Nghymru, Lloegr a Gogledd Iwerddon. Mae'r cynlluniau'n annog busnesau i wella safonau hylendid. Y nod cyffredinol yw lleihau nifer yr achosion o salwch a gludir gan fwyd. Mae'r Cynllun nawr ar waith ym mhob ran o Gymru a Gogledd Iwerddon, ac yn 99% o Loegr. Mae cwestiynau ac atebion ynglŷn â'r Cynllun ar gael drwy'r ddolen isod.

Cwestiynau Cyffredin

Tudalennau perthnasol

Rhagor yn yr adran hon

Pecyn cymorth i fusnesau ar gyfer hyrwyddo hylendid bwyd da

Er mwyn helpu busnesau bwyd i elwa i’r eithaf ar eu sgôr hylendid bwyd, mae’r ASB wedi creu pecyn cymorth ar-lein sy’n cynnig syniadau am sut i hyrwyddo safonau hylendid a helpu i gynyddu nifer y cwsmeriaid sy’n dod drwy’r drws neu’n archebu ar-lein.

Cynllun Sgorio Hylendid Bwyd yng Nghymru

Mae pob un o awdurdodau lleol Cymru wedi penderfynu gweithredu'r Cynllun Sgorio Hylendid Bwyd a byddant yn dechrau arddangos sgoriau busnesau yn eu hardal ddechrau 2011.

Ynglŷn ag arolygiadau hylendid bwyd

Arolygiadau Cyfraith Bwyd a'ch Busnes

Os ydych yn rhedeg busnes sy'n gwneud neu'n paratoi bwyd, caiff ei arolygu i sicrhau eich bod yn dilyn cyfraith bwyd. Yr arolygwyr fydd swyddogion gorfodi o’ch awdurdod lleol (neu eich cyngor dosbarth yng Ngogledd Iwerddon). Dysgwch am yr hyn y gallai'r arolygiadau ei gynnwys a'r camau y gall arolygwyr eu cymryd os gwelant broblem yn eich busnes.