Dechrau busnes bwyd

Last updated:
20 January 2010
chef serving food
Mae'r adran hon yn rhoi'r holl wybodaeth sydd ei hangen arnoch i ddechrau busnes bwyd.

Cysylltu â'ch awdurdod lleol

Cyn agor, dylech gysylltu â'ch awdurdod lleol. Byddant yn gallu eich helpu i:

  • gofrestru eich busnes bwyd
  • cynllunio eich busnes
  • ailgylchu a threfnu i gasglu gwastraff
  • cael yr hyfforddiant a'r offer priodol

Sut mae cofrestru?

Rhaid i chi gofrestru eich safle gyda gwasanaeth iechyd yr amgylchedd eich awdurdod lleol, a hynny o leiaf 28 diwrnod cyn i chi agor – mae cofrestru yn rhad ac am ddim.

Mae'n rhaid cofrestru'r rhan fwyaf o fathau o fusnes bwyd, gan gynnwys busnesau arlwyo a gaiff eu rhedeg o gartref a safleoedd symudol neu dros dro, megis stondinau neu faniau.

Os oes gennych fwy nag un safle, bydd angen i chi gofrestru bob un.

I gofrestru, ewch ati i lawrlwytho ffurflen gais o wefan eich awdurdod lleol neu defnyddiwch y ffurflen gais fodel a gynhyrchwyd gan yr Asiantaeth (ar gael drwy'r ddolen isod).

Beth arall ddylech chi fod yn ei wneud?

  • A ydych chi wedi cofrestru safle eich busnes?
  • A yw cynllun ac adeiladwaith eich safle yn bodloni’r gofyniad cyfreithiol?
  • A ydych chi'n ymwybodol o brif ofynion Cyfraith Bwyd Cyffredinol?
  • A ydych chi'n cadw cofnodion o'r holl gyflenwyr sy'n cyflenwi bwyd a chynhwysion i chi?
  • A ydych chi wedi cyflwyno gweithdrefnau rheoli diogelwch bwyd ac yn cadw cofnodion cyfoes o’r rhain
  • A ydych chi a’ch staff yn deall egwyddorion hylendid bwyd da?
  • A ydych chi wedi ystyried trefniadau iechyd a diogelwch a diogelwch tân?
  • A ydych chi wedi cofrestru fel unigolyn hunangyflogedig?
  • A oes gofyn i chi gofrestru ar gyfer TAW (VAT)?
  • A ydych chi’n cadw cofnodion o holl incwm a chostau eich busnes?
  • A ydych chi’n cadw cofnodion o fanylion cyflog eich staff? A ydych chi’n gwybod sut i dalu eu cyfraniadau treth ac Yswiriant Gwladol?
  • A ydych chi’n disgrifio bwyd a diod yn fanwl gywir?
  • A oes angen i chi wneud cais am drwydded i werthu alcohol, i gynnal adloniant, i werthu bwyd poeth a diod yn ystod oriau mân y bore neu i werthu bwyd ar y stryd?

Adnoddau defnyddiol

Mae hylendid bwyd da yn hanfodol er mwyn helpu i atal gwenwyn bwyd a diogelu eich enw da ymysg cwsmeriaid. Mae'r Asiantaeth yn cynnig adnoddau i helpu busnesau bwyd i gynhyrchu bwyd diogel, gan gynnwys:
Dechrau busnes - eich camau cyntaf i ddechrau busnes arlwyo
Bwyd mwy diogel, busnes gwell (SFBB) - ffordd ymarferol o reoli diogelwch bwyd
Hylendid bwyd - canllaw i fusnesau

Mae rhagor o adnoddau ar gael yn yr adran Arlwyo a manwerthu.

Related content
PDF file Dechrau Busnes: Eich camau cyntaf i ddechrau busnes arlwyo (Starting Up)(373.50 KB)
Diwygiwyd Hydref 2008
Related pages

Bwyd Mwy Diogel, Busnes Gwell (SFBB)

Mae Bwyd Mwy Diogel, Busnes Gwell (SFBB) yn becyn sy'n cynnig ffordd arloesol ac ymarferol i reoli diogelwch bwyd. Nod y pecyn hwn yw helpu busnesau bach i roi gweithdrefnau rheoli diogelwch bwyd ar waith, a'u helpu hefyd i gydymffurfio â rheoliadau hylendid bwyd.

Arolygiadau Cyfraith Bwyd a'ch Busnes

Os ydych yn rhedeg busnes sy'n gwneud neu'n paratoi bwyd, caiff ei arolygu i sicrhau eich bod yn dilyn cyfraith bwyd. Yr arolygwyr fydd swyddogion gorfodi o’ch awdurdod lleol (neu eich cyngor dosbarth yng Ngogledd Iwerddon). Dysgwch am yr hyn y gallai'r arolygiadau ei gynnwys a'r camau y gall arolygwyr eu cymryd os gwelant broblem yn eich busnes.

Arlwyo a Manwerthu

Gwybodaeth a chanllawiau ar gyfer arlwywyr a manwerthwyr i helpu sicrhau bwyd diogel i gwsmeriaid. Cyngor ar arlwyo’n ddiogel, y pecyn ‘Bwyd mwy diogel, busnes gwell’, canllawiau ar y ddeddfwriaeth hylendid bwyd ac alergedd ac anoddefiad bwyd.

Bwyd Mwy Diogel, Busnes Gwell i Warchodwyr Plant

Dyma becyn 'Bwyd mwy diogel, busnes gwell' yn arbennig ar gyfer gwarchodwyr plant. Mae'r pecyn hwn yn rhoi cyngor syml ar ddiogelwch bwyd, gan gynnwys gwybodaeth am fwydo babanod a phlant, coginio, glanhau, oeri ac edrych ar ôl plentyn gydag alergedd bwyd. Mae fersiwn newydd y pecyn hwn wedi'i diweddaru i gynnwys cyngor newydd ac mae'n haws ei defnyddio.