Cydraddoldeb

Mae'r Asiantaeth Safonau Bwyd wedi ymrwymo i ddarparu cyfle cyfartal ac i ddileu pob math o wahaniaethu, aflonyddu a bwlio. Mae wedi ymrwymo i hyrwyddo amgylchedd gwaith da a chytûn, lle mae pob unigolyn yn cael ei barchu a lle na chaiff gwahaniaethu, bwlio nac aflonyddu o unrhyw fath ei oddef.

Mae’n ofynnol i gyflogeion yr ASB a’r unigolion sy’n gweithio iddi o dan drefniadau contract gynorthwyo’r Asiantaeth i fodloni’i hymrwymiad i ddarparu cyfle cyfartal o ran cyflogaeth ac i osgoi gwahaniaethu anghyfreithlon.

Dyletswydd Cydraddoldeb y Sector Cyhoeddus

Daeth Dyletswydd Cydraddoldeb y Sector Cyhoeddus i rym ar 5 Ebrill 2011. Yn unol â’i gofynion, mae’r ASB wedi ymrwymo i roi sylw priodol i:

  • ddileu gwahaniaethu, aflonyddu ac erledigaeth anghyfreithlon
  • hybu cyfle cyfartal rhwng gwahanol grwpiau
  • meithrin perthynas dda rhwng gwahanol grwpiau

More in this section

Amcanion Amrywiaeth

Yn unol â gofynion Dyletswydd Cydraddoldeb y Sector Cyhoeddus, mae’r Asiantaeth Safonau Bwyd wrthi’n llunio amcanion cydraddoldeb penodol a mesuradwy a fydd yn helpu i hybu nodau’r ddyletswydd cydraddoldeb. Byddwn yn cyhoeddi’r amcanion cydraddoldeb cyntaf ar 6 Ebrill 2012 (a’r amcanion dilynol bob pedair blynedd ar ôl hynny fan bellaf).

Adroddiad Amrywiaeth

Mae Adroddiad Amrywiaeth yr Asiantaeth Safonau Bwyd eleni yn adeiladu ar adroddiadau blaenorol ac yn cyflwyno crynodeb a throsolwg lefel uchel o ddata cydraddoldeb, gan gynnwys proffil y gweithlu a monitro gwybodaeth a data am weithgareddau cyflogi.