Bwydydd GM a bwydydd newydd
Gwybodaeth am fwydydd newydd, gan gynnwys CBD, bwydydd a addaswyd yn enetig (GM), a bridio manwl.
Canabidiol (CBD)
Rhaid awdurdodi cynhyrchion bwyd CBD, fel bwydydd newydd, cyn eu rhoi ar y farchnad. Mae hyn er mwyn sicrhau eu bod yn ddiogel. Mae dal i fod llawer o bethau nad ydym yn eu gwybod am CBD fel bwyd, ond mae’r ymchwil yn datblygu wrth i geisiadau i awdurdodi CBD fel bwyd newydd symud ymlaen trwy ein proses asesu risg.
Bwyd a addaswyd yn enetig (bwyd GM)
Gwybodaeth am fwydydd a addaswyd yn enetig (GM) a sut rydym yn asesu gofynion diogelwch a labelu’r cynhyrchion hyn.
Bridio manwl
Mae bridio manwl yn ffordd o newid DNA planhigion neu anifeiliaid mewn ffordd fanwl gywir, gan ddefnyddio technegau fel golygu genynnau (‘gene-editing’). Mae golygu genynnau yn defnyddio ensymau arbenigol i dorri DNA mewn mannau penodol. Rhaid i’r newidiadau hyn fod yn rhai y gellid bod wedi’u gwneud trwy ddefnyddio dulliau traddodiadol o ran bridio planhigion neu anifeiliaid. O’r herwydd, mae bridio manwl yn wahanol i addasu genetig (‘genetic modification’).