Cyngor diogelwch i gwsmeriaid a defnyddwyr ar gemegion a chyfansoddion mewn pethau sy’n gysylltiedig â bwyd. Mae hyn yn cynnwys gwybodaeth am ychwanegion bwyd ac e-rifau, ymbelydredd mewn bwyd, a bwydydd wedi’u prosesu’n helaeth.
Y gwahanol fathau o ychwanegion bwyd, a chyngor ar reoliadau a diogelwch ychwanegion ac E-rifau mewn bwyd.
Yr hyn y mae angen i ddefnyddwyr ei wybod am fwydydd wedi’u prosesu’n helaeth.
Yr hyn y mae angen i ddefnyddwyr ei wybod am atchwanegiadau bwyd sy’n cynnwys caffein.
Sylwedd yr arsenig sy’n bodoli’n naturiol yn yr amgylchedd. Mae hyn yn golygu ei fod yn treiddio i fwyd a dŵr ar wahanol lefelau mewn gwahanol rannau o’r byd. Dyma ein cyngor ar lefelau diogel o arsenig mewn reis a llaeth reis.
Mae ymbelydredd yn bodoli yn yr atmosffer a’r pridd, ac mewn moroedd ac afonydd. Wrth reswm, felly, bydd rhywfaint o ymbelydredd yn mynd i mewn i’r bwyd rydym yn ei fwyta. Dyma sut rydym yn asesu ac yn rheoleiddio lefelau ymbelydredd mewn bwyd.
Mae arbelydru bwyd yn ddull sy’n cael gwared ar facteria a allai arwain at wenwyn bwyd. Mae’r dudalen hon yn manylu ar y broses arbelydru a pham nad yw’n niweidiol i ddefnyddwyr.
Gwybodaeth am risgiau acrylamid, sef sylwedd cemegol sy’n cael ei ffurfio pan fydd bwydydd llawn startsh, fel tatws a bara, yn cael eu coginio ar dymheredd uchel. Mae hyn yn cynnwys sut gallwch chi leihau’r siawns o gael eich niweidio ganddo.
Mae bwyta plwm yn niweidiol, ac mae arbenigwyr iechyd yn cynghori y dylem leihau gymaint â phosib faint o blwm rydym yn ei fwyta. Dylai unrhyw un sy’n bwyta helgig a gaiff ei saethu â phlwm fod yn ymwybodol o’r risgiau a achosir wrth fwyta symiau mawr o blwm, yn enwedig plant a menywod beichiog.
Cemegyn yw bisffenol A (BPA) ac fe’i defnyddir i wneud plastigau anhyblyg, gan gynnwys cynwysyddion storio bwyd a photeli diodydd y gellir eu hail-lenwi. Mae rhai pobl yn poeni am BPA oherwydd ei fod yn un o blith nifer mawr o sylweddau a allai o bosib ymyrryd â’n systemau hormonau. Dyma’r ymchwil a’r dystiolaeth sy’n cefnogi ein dealltwriaeth o BPA.