Ymgynghoriad ar ddeuddeg cais am ychwanegion bwyd anifeiliaid i’w defnyddio mewn bwyd anifeiliaid

I bwy bydd yr ymgynghoriad hwn o ddiddordeb yn bennaf?

• Gwneuthurwyr, mewnforwyr/allforwyr a manwerthwyr bwyd anifeiliaid 
• Pob prynwr bwyd anifeiliaid, gan gynnwys ar gyfer anifeiliaid sy’n cynhyrchu bwyd ac anifeiliaid nad ydynt yn cynhyrchu bwyd
• Cyrff masnach sy’n cynrychioli rhanddeiliaid mewn perthynas â bwyd anifeiliaid, amaethyddiaeth a’r amgylchedd
• Undebau llafur sy’n cynrychioli rhanddeiliaid yn y diwydiant ffermio
• Sefydliadau sy’n cynrychioli buddiannau defnyddwyr mewn cadwyni bwyd a chadwyni bwyd anifeiliaid
• Awdurdodau Gorfodi

Mae rhestr o bartïon sydd â buddiant wedi’i chynnwys yn Atodiad A.

Pwnc yr ymgynghoriad

Mae’r ymgynghoriad hwn yn ymwneud â deuddeg o geisiadau am ychwanegion bwyd sydd wedi’u cyflwyno i’w hawdurdodi ym Mhrydain Fawr. O dan y trefniadau gweithredu presennol ar gyfer Gogledd Iwerddon, bydd busnesau sy’n ceisio awdurdodiad newydd ar gyfer rhoi cynnyrch bwyd anifeiliaid rheoleiddiedig ar farchnad Gogledd Iwerddon yn parhau i ddilyn rheolau’r UE.

Yn ogystal â’r ymgynghoriad hwn, rydym wedi cyhoeddi dogfen ar y cyd gan yr Asiantaeth Safonau Bwyd (ASB) a Safonau Bwyd yr Alban, yn cynnwys safbwyntiau ac asesiadau diogelwch ar gyfer y ceisiadau.

• Safbwyntiau’r ASB/Safonau Bwyd yr Alan ar ddeuddeg cais am ychwanegion bwyd i’w defnyddio mewn bwyd anifeiliaid
• Asesiadau diogelwch yr ASB/Safonau Bwyd yr Alban ar ddeuddeg cais am ychwanegion bwyd i’w defnyddio mewn bwyd anifeiliaid

Diben yr ymgynghoriad

Mae’r ymgynghoriad hwn yn rhoi’r cyfle i randdeiliaid leisio eu barn, er mwyn hysbysu Gweinidogion Cymru a Lloegr (gan roi gwybod i Weinidogion yng Ngogledd Iwerddon), cyn iddynt wneud penderfyniad ar awdurdodi’r ychwanegion bwyd anifeiliaid sydd wedi’u cynnwys yn yr ymgynghoriad hwn. 

Rydym yn ceisio adborth ar y telerau awdurdodi arfaethedig, ein hasesiad o’r effeithiau posibl a nodir yn y pecyn ymgynghori, ac unrhyw dystiolaeth bellach a allai fod gennych ar effeithiau ychwanegol y dylem eu hystyried.  

Bydd ymgynghoriad cyfochrog yn cael ei gyhoeddi gan Safonau Bwyd yr Alban.

Pecyn ymgynghori

Mae’r pecyn ymgynghori hwn yn darparu’r wybodaeth gefndirol a’r manylion y bydd angen i chi eu gwybod er mwyn ymateb i’r cwestiynau yn yr ymgynghoriad hwn. Mae’r ddogfen ymgynghori lawn ar gael ar y tudalennau canlynol hefyd.

Ymgynghoriad ar ddeuddeg cais am ychwanegion bwyd anifeiliaid i’w defnyddio mewn bwyd anifeiliaid (fersiwn hygyrch)

Sut i ymateb

Dylid cyflwyno ymatebion i’r ymgynghoriad hwn trwy’r arolwg ar-lein (Microsoft forms). Fodd bynnag, os nad yw hyn yn bosib, gallwch ymateb trwy anfon e-bost i:

E-bost: RPconsultations@food.gov.uk
Enw: Y Tîm Cymeradwyo Cynhyrchion Rheoleiddiedig
Is-adran/Cangen: Gwasanaethau Rheoleiddiedig

Os ydych yn ymateb trwy e-bost, nodwch a ydych yn ymateb fel unigolyn neu ar ran sefydliad neu gwmni (gan gynnwys manylion unrhyw randdeiliaid y mae eich sefydliad yn eu cynrychioli), ac ym mha wlad rydych wedi’ch lleoli.