Sut i roi gwybod am broblem diogelwch neu hylendid bwyd
Gallwch chi roi gwybod am broblem bwyd mewn bwyty, siop fwyd neu gyda bwyd wedi’i archebu ar-lein i’r awdurdod lleol lle mae’r busnes wedi’i leoli. Bydd tîm diogelwch bwyd yr awdurdod lleol yn ymchwilio i’r mater ac yn cymryd unrhyw gamau priodol.
Ewch ati i ddefnyddio’r gwasanaeth hwn i ddod o hyd i fanylion cyswllt y tîm diogelwch bwyd. Bydd gennych opsiwn i naill ai e-bostio'r tîm neu ddefnyddio gwefan yr awdurdod lleol i roi gwybod am y broblem.
Yr hyn y gallwch chi roi gwybod amdano
Gallwch chi roi gwybod am y canlynol:
- achosion tybiedig o wenwyn bwyd
- darn estron yn eich bwyd
- safleoedd budr
- hylendid dwylo gwael
- dulliau trin bwyd gwael
- bwyd sydd wedi prydu neu sy’n cynnwys llwydni
- bwyd sy’n cael ei werthu ar ôl ei ddyddiad ‘defnyddio erbyn’
- gwybodaeth am alergenau sy’n anghywir neu ddim ar gael
Dylid anfon cwynion am fwyd o ansawdd gwael a gwasanaeth cwsmeriaid gwael yn uniongyrchol at y busnes neu’r platfform archebu. Mae hyn yn cynnwys:
- problemau gyda thaliadau ac ad-daliadau
- bwyd tecawê sy’n hwyr, yn anghywir neu sydd ar goll
I gael cyngor am eich hawliau fel defnyddiwr, ewch i wefan Cyngor ar Bopeth.