Ychwanegion ac E-rifau cymeradwy

Dim ond mewn rhai bwydydd y caniateir defnyddio’r rhan fwyaf o ychwanegion ac maent yn ddarostyngedig i derfynau meintiol penodol, felly mae’n bwysig nodi y dylid defnyddio’r rhestr hon ar y cyd â’r ddeddfwriaeth briodol:

• Rheoliad a gymathwyd (UE) 1333/2008 ar ychwanegion bwyd yng Nghymru a Lloegr
• Rheoliad (UE) 1333/2008 ar ychwanegion bwyd a Rheoliad y Comisiwn (UE) 2022/63 sy’n diwygio Atodiadau II a III i Reoliad 1333/2008 yng Ngogledd Iwerddon

Glyserol (E 422)

Mae glyserol (E 422) wedi’i awdurdodi fel ychwanegyn bwyd, yn unol ag Atodiad II o ddeddfwriaeth yr UE a gymathwyd ar ychwanegion bwyd, Rheoliad Rhif 1333/2008 (Rheoliad y Comisiwn 1333/2008 yng Ngogledd Iwerddon).

Caniateir ei ddefnyddio ar lefelau quantum satis mewn diodydd â blas. Mae quantum satis yn golygu nad oes lefel rifiadol uchaf wedi’i phennu a rhaid defnyddio sylweddau yn unol ag arferion gweithgynhyrchu da, ar lefel nad yw’n uwch na’r hyn sy’n angenrheidiol i gyflawni’r pwrpas a fwriedir, ac ar yr amod na chaiff y defnyddiwr ei gamarwain. 

Mae glycerol (E 422) yn gynhwysyn allweddol a ddefnyddir wrth gynhyrchu diodydd iâ slwsh. Mae’n cynnal yr effaith slwsh, gan atal yr hylif rhag rhewi’n solet. Fodd bynnag, bu achosion o blant yn mynd yn sâl ar ôl yfed gormod.

Rydym wedi bod yn gweithio gyda’r diwydiant ar ganllawiau gwirfoddol i ddiogelu defnyddwyr sy’n agored i niwed ac wedi cytuno ar y pedair egwyddor ganlynol. Nid yw’r rhain yn ofynion cyfreithiol ond fe’u hystyrir fel arferion gorau.

Canllawiau i’r diwydiant ar gyfer glyserol mewn diodydd iâ slwsh

1. Bydd perchnogion brand yn sicrhau bod eu cwsmeriaid yn gwbl ymwybodol o asesiad risg yr ASB ar ddefnyddio glyserol mewn diodydd iâ slwsh.
2. Bydd perchnogion brand yn creu cynhyrchion sy’n cynnwys glyserol ar y lefelau isaf posib sy’n angenrheidiol yn dechnegol er mwyn creu’r effaith diod slwsh ofynnol.
3. Bydd perchnogion brand yn cynghori eu cwsmeriaid y dylid rhoi rhybudd ysgrifenedig sy’n weladwy ar unrhyw fannau sy’n gwerthu diodydd iâ slwsh sy’n cynnwys glyserol, gan nodi – “Product contains glycerol. Should not be consumed by children under seven years of age and children under 10 should have a maximum of one 350ml drink per day.
4. Argymhellir peidio â mabwysiadu model busnes sy’n cynnig ail-lenwi diodydd am ddim mewn lleoliadau lle bydd plant dan 10 oed yn eu hyfed.

Mae’r canllawiau hyn i’r diwydiant yn seiliedig ar y senario waethaf bosib, lle byddai defnyddwyr yn yfed diod iâ slwsh sy’n cynnwys y lefel uchaf o glyserol, sef 50,000 mg/L. Os bydd y diwydiant yn y dyfodol, gyda’i gilydd, yn penderfynu lleihau’r lefelau glyserol ym mhob cynnyrch yn sylweddol, neu os bydd newid i’r wybodaeth glinigol, gellir ailasesu’r canllawiau hyn.

Testun esboniadol i ddefnyddwyr am glyserol

Rydym wedi diweddaru’r cyngor ar ein tudalen i ddefnyddwyr ar glyserol.
 

Lliwiau

Cyfeithyddion (Preservatives)

Gwrthocsidyddion (Antioxidants)

Melysyddion (Sweeteners)

E960d glycosidau stefiol wedi'u glwcosyleiddio 

Mae’r Comisiwn Ewropeaidd (CE) wedi awdurdodi glycosid stefiol arall, E 960d, sef glycosid stefiol wedi’i glwcosyleiddio, Rheoliad y Comisiwn (UE) Rhif 2023/447 a gyhoeddwyd ar 1 Mawrth 2023 a daeth i rym ar 20 Mawrth 2023. Mae'r rheoliad hwn yn gymwys yng Ngogledd Iwerddon ond nid Prydain Fawr. Rheoliad y Comisiwn (UE) Rhif 2023/447.

Emylsyddion, Sefydlogwyr, Tewychwyr ac Asiantau Gelu (Emulsifiers, Stabilisers, Thickeners and Gelling Agents)

Eraill

Asidau, rheoleiddwyr asidedd, sylweddau gwrth-gaglu, sylweddau gwrth-ewynnu, sylweddau crynhoi, cludwyr a thoddyddion cludwyr, halwynau emylsio, sylweddau caledu, sylweddau gwella blas, sylweddau trin blawd, asiantau ewynnu, sylweddau sgleinio, sylweddau cynnal lleithder, startsys wedi'u haddasu, nwyau pecynnu, propelyddion, sylweddau codi a secwestryddion.