Neidio i’r prif gynnwys

Cyflwyno Bwyd a Chi 2

Rydym ni’n cyflwyno ambell newid i’n prif arolwg defnyddwyr.
10 Mawrth 2020

O 2020 ymlaen, byddwn yn cyfuno ein harolwg Bwyd a Chi a’n Harolwg Tracio Agweddau’r Cyhoedd mewn un arolwg modiwlaidd newydd er mwyn gwneud yn siŵr fod gennym ni fynediad at y data mwyaf cynrychioliadol a chywir ar gyfer defnyddwyr.  

Mae Bwyd a Chi, yr arolwg ymchwil cymdeithasol yr ydym yn ei gynnal bob dwy flynedd, yn rhoi cipolwg manwl i ni ar ymddygiadau bwyd. Mae ein Harolwg Tracio Agweddau’r Cyhoedd yn monitro newid mewn agweddau, deall tueddiadau a mesur effaith ymgyrchoedd. Mae'r ddau yn Ystadegau Swyddogol, sy'n darparu set ddata agored unigryw a ddefnyddir gan ddadansoddwyr a llunwyr polisi ar draws y Llywodraeth, yn ogystal â chan y gymuned academaidd ehangach. 

Rydym ni’n cyfuno’r ddau beth mewn arolwg modiwlaidd newydd gan ddefnyddio methodoleg gwthio dros y we, sy'n cynnwys mwy o bynciau gyda sampl mwy o faint, yn enwedig yng Nghymru a Gogledd Iwerddon. 

Bydd y dull newydd hwn yn: 

  • golygu y gallwn adrodd yn gyflymach
  • darparu cyfleoedd i groesgyfeirio ymddygiadau yn erbyn agweddau 
  • cyflwyno modiwlau newydd nad ydynt yn rhai craidd, a chael gwared ar fodiwlau eraill wrth i flaenoriaethau newid

Mae ein cynlluniau wedi’u hadolygu a'u llywio gan y Pwyllgor Cynghori annibynnol ar gyfer Gwyddor Gymdeithasol sydd wedi cytuno y bydd y newid hwn i’r fethodoleg yn cynnig nifer o fanteision a chyfleoedd. Fodd bynnag, er mwyn sicrhau addasrwydd yr arolwg at y dyfodol, rydym ni’n derbyn y bydd hyn yn amharu ar y gyfres amser bresennol.

Bydd y gwaith maes ar gyfer cylch cyntaf Bwyd a Chi 2 yn cychwyn yn haf 2020.